In total darkness... Poetry is there for you

Category Aadil’s Ink

Be-Tahzeeb

Hawa mein aahistagi milane lage hain
Haath se shama bhujane lage hain

Chal basa tha dariya mein doob kar
Ye kis ka janaza uthane lage hain

Aadhe Adhoore Jazbaat

Apni shiddat ko hawaon mein zam kar dein
Is toofan-e-mohabbat ko mausam kar dein

Parwane ko nahin pata anjaam-e-sitam*
Kuch shama ki roshni maddham kar dein

Arziyan Teri Meri

Itna to yaar mere mujh par karam kar dein
Dil ki nakamiyon ko mohtaram kar dein

Khudaya us par jaan nissar jab ho jaye
Ye maqsad-e-hayat phir khatam kar dein

Talaash-e-musalsal

Nakhl-e-sehra nahin saraabon ko dhoondhte hain
Hum jannat mein reh kar kharabon ko dhoondhte hain

Purani aadat hai ya ek adaa, koi kya jaane
Woh sukoon-e-dil mein aazabon ko dhoondhte hain

Berang Aankhein

Jism ko rooh bipharne ka faayda kya hai
Aag ko dhuan ubharne ka faayda kya hai

Kar ke hisse ye dard kam na hoga
Tu toota hai to bikharne ka faayda kya hai

Toote Raaste

Chhalke ke ashq be-sabab gaye hain
Ye tumhare dard bahut be-adab gaye hain

Jaam-e-khaali se na pooch matlab khuda ka
Yaad nahin hosh mein masjid kab gaye hain

Magar Jaane De

Sticky Post

Jo tukde ho jaate insaani zahan ke
Mere hisse aate kitne hisse tere
Samjhana hai aasan par jaane de

Na-mumkiniyat

Aatish-e-hijran dil mein dabai nahin jaati
Muntazir aankhein ab jhukai nahin jaati

Jo mangi na di, bin mangi dua bakhshin
Khuda se khudai kyun dikhai nahin jaati

Guzar-gaah

Dheema hai caravan-e-nafas guzar jaane de
Waqt hi hai, gar guzarta hai, guzar jaane de

Bhar gaya hai azaab, ise nikalein kaise
Ab ek nashtar seene se guzar jaane de

Khoye Khoye Saaye

Jal rahe khoon mein habaab nahin milte
Dil hai raakh, shole shitaab nahin milte

Neend nahin milti, shab ko khwaab nahin milte
Ab to dard chhupane wale naqaab nahin milte

« Older posts

© 2021 Zullmat — Powered by WordPress

Theme by Anders NorenUp ↑