Apni shiddat* ko hawaon mein zam* kar dein
Is toofan-e-mohabbat ko mausam kar dein
(shiddat: intensity, zam: merge/ mix)

Parwane ko nahin pata anjaam-e-sitam*
Kuch shama ki roshni maddham* kar dein
(anjaam-e-sitam: result of injury, maddam: low)

Lafzon ka gubbar* hai dil mein utha hua
Do lafz kahein un se ya do kam kar dein
(gubbar: dust storm/ fog)

Kaun sunta hai haal-e-dil siwa rindon* ke
Waiz* kahein hum se, sharab kam kar dein
(rind: drunkard, waiz: religious preacher)

Apni kismat par bhi yakeen hone lagega
Thodi mayusi aap duaon par raqam* kar dein
(raqam: write/ put on record)

by Aadil | #aadilsink