Itna to yaar mere mujh par karam kar dein
Dil ki nakamiyon ko mohtaram* kar dein
(mohataram: give respect)

Khudaya us par jaan nissar* jab ho jaye
Ye maqsad-e-hayat* phir khatam kar dein
(nissar: spend/ sacrifice, maqsad-e-hayat: purpose of life)

Muddat mein bhara hai pyala gham-e-ishq ka
Ek ghoont mein kyun ise khatam kar dein

Yaadon ki aanch se jal raha hai mustaqbil*
Apne maazi* ki lau ko thoda nam* kar dein
(mustaqbil: future, maazi: past, nam: wet)

Bahane kyun dhoondhte ho meri barbadi ke
Na ho tum se to kuch koshish hum kar dein

by Aadil | #aadilsink