Mere aks-e-aaine* ki pehchaan bata do
Ya fir ye maghloot* aaine hata do
Baaees baras purani kuch tasveerein hai
Un tasveeron ko hi ghar mein laga do
(aks-e-aaine: Reflection in mirror, maghloot: Erroneous)

Ek woh tasveer bhi hogi samaan mein
Jab hua tha ishq adhoore jahaan mein

Use dekhne , pahron use sochne lage
Us ki qurbat mein kaamil hone lage

Na jaane wo ishqbaaz ab gaye kidhar
Koi shaqs na zinda ab us jahaan mein

(qurbat: Proximity, kaamil: Complete, ishqbaaz: Lovers)

Ukta gaya hoon khud se karke baatein
Huzoor meri jaan ki wo tasveer le aate
Jis mein soorat pighalti barf si hai
Jis mein zulfein aayat ke har harf si hai

Kamar hai jam-e-naaf se madhosh
Jidhar ainak-e-chasm jaise jalti raatein
(ukta:Bore, aayat:Verse of Quran, harf: Letter of alphabet, jaam-e-naaf: Navel shaped glass of wine, ainak-e-chashm: Eyes with spectacles)